"Miami-Dade
County Public Schools (M-DCPS)" (Lekòl Leta Miami-Dade County), an patenarya avèk "Accelerate - The
National Collaborative for Accelerate Learning" (Akselere – Pwojè Kolaboratif
Nasyonal pou Aprantisaj Aksele) ak "University of Chicago Education Lab" (Laboratwa Edikasyon University of
Chicago), te anonse yon don finansye
ki vo $9 milyon dola ki soti nan men Kenneth C. Griffin, ki se fondatè ak Direktè Jeneral konpayi Citadel epi li se manm fondatè konpayi Griffin Catalyst, pou sipòte lansman gwo pwogram leson patikilye wo nivo
nan matematik pou elèv Miami-Dade k ap fè ratrapaj aprè kriz edikasyonèl
pandemi COVID-19 la te lakòz.
Nan
kòmansman pwogram nan, sipò sa a pral pèmèt nèf lekòl M-DCPS pou kolabore
ansanm, aplike epi amelyore pwogram leson patikilye ki baze nan lekòl yo pou
elèv ki nan klas sizyèm rive uityèm ane. Patenarya sa a k ap dire twazan e ki se
yon pati nan Inisyativ Nasyonal pou Aprantisaj Pèsonalize, a pral benefisye yon premye gwoup ki gen plis pase
1,100 elèv pou ane lekòl 2023-2024 la, epi yo prevwa pou plizyè milye elèv
adisyonèl enskri nan pwochen ane lekòl k ap vini yo.
Mesye
Griffin di, "Chak timoun ka reyisi si yo resevwa sipò patikilye ki adapte
a bezwen edikasyonèl yo, enterè ak aspirasyon yo… Lè Lekòl Leta Miami-Dade
County envesti nan plan aprantisaj pèsonalize pou elèv yo, sa pèmèt elèv yo
atenn tout potansyèl yo epi prepare yo pou siksè nan yon mond ki vin pi
konplèks e pi dinamik."
Pandemi
COVID-19 la te lakòz elèv nan peyi Etazini yon mwayèn pèt aprantisaj ekivalan a
omwen sis (6) mwa, avèk timoun ki soti nan kominote defavorize ki gen revni ba yo
soufri pi gwo reta toujou. M-DCPS rete yon lidè nasyonal nan fè envestisman
estratejik enpòtan pou adrese enpak pandemi an, e patenarya sa a ogmante sou
pwogrè ki fèt pou akselere aprantisaj pandan plizyè ane ki sot pase yo. Inisyativ
lokal sa a ki te devlope an kolaborasyon ak ekspè nan devlopman kourikoulòm
M-DCPS yo, pral entwodui pwofesè nan "Math Foundational Skills Courses" (Kou
Ladrès Matematik Fondamantal), ki vize pou bay plis sipò pou elèv ki gen bezwen
yo.
Sipèentandan Lekòl Leta Miami-Dade County, Doktè
Jose L. Dotres di, "Nou te temwen enpak pandemi an fè sou elèv yo ak
konsekans li te genyen sou kominote lekòl nou an. Nou ap tann ak kè kontan patenarya
sa a k ap dire plizyè ane pou ranfòse fason pou nou ogmante inisyativ leson
patikilye wo nivo sa a pou ede elèv nou yo akselere aprantisaj yo pou yo rive
jwenn tout potansyèl akademik yo."
Rechèch yo te fè nan Laboratwa Edikasyon University of Chicago a te montre potansyalite pwogram "high-dosage tutoring (HDT)" (Leson Patikilye Wo nivo) a, ki te resevwa apwobasyon
Minis Edikasyon Nasyonal Ameriken an, Miguel Cardona, nan ane ki sot pase a.
Baze sou dènye rechèch sa yo, pwogram aktyèl sa a fè pati nan "Personalized Learning Initiative (PLI)" (Inisyativ pou
Aprantisaj Pèsonalize), ki se yon
inisyativ nasyonal ki gen anpil potansyèl ki fèt pou ede distri yo devlope,
teste, ak enplemante 'HDT' pou konbat pèt aprantisaj pandemi a lakòz. Pou inisyativ 'PLI' la, Laboratwa Edikasyon nan University of Chicago ansanm ak òganizasyon
rechèch nasyonal 'MDRC' la ap
fè patenarya ak eta ak distri lekòl atravè peyi a pou angaje plizyè dizèn milye
elèv pou teste diferan vèsyon leson patikilye wo nivo yo pou redwi depans yo
epi ogmante enplemantasyon modèl entèvansyon efikas sa a. Anplis,
M-DCPS,
an patenarya avèk "Accelerate - The National Collaborative for Accelerated
Learning" (Accelerate – Pwojè Kolaboratif Nasyonal pou Aprantisaj Akselere) – pare
pou l vin yon lidè nasyonal nan idantifye epi ogmante pratik ki fè bon jan pwogrè
nan aprantisaj elèv yo. Inisyativ sa a prezante yon opòtinite enpòtan pou
enfliyanse desizyon ki ap pran yo epi sipòte aplikasyon entèvansyon edikatif sa
a ki gen gwo enpak nan diferan nivo.
Jens
Ludwig, direktè Pritzker ak direktè adjwen nan Laboratwa Edikasyon University
of Chicago di, "Sou trajèktwa nou ye kounye a, pèt aprantisaj pandemi a te
lakòz yo pral kite yon mak dirab ki ap chanje lavi plizyè milyon etidyan
Ameriken. Mwen gen anpil rekonesans pou Ken Griffin pou don sa a, ki gen posiblite
pou ogmante opòtinite edikasyonèl epi amelyore pwogrè mobilite sosyal."
Silvouplè telechaje aplikasyon mobil Dadeschools la sou Aparèy iPhone
oswa Android ou. Suiv nou sou X, nou te konnen sou non Twitter nan @MDCPS ak @SuptDotres, sou Instagram nan @MiamiSchools ak @SuptDotres, sou Facebook nan MiamiSchools.
Konsènan Lekòl Leta About
Miami-Dade County
"Miami-Dade
County Public Schools (M-DCPS)" (Lekòl Leta Miami-Dade
County), yon distri lekòl ki fè nòt 'A', se twazyèm pi gwo sistèm lekòl nan
peyi a, avèk plis pase 400 lekòl ak yon popilasyon divèsifye ki gen plis pase
330,000 elèv ki soti nan plis pase 160 peyi. Tradisyon akonplisman eksepsyonèl
nou an ki ap kontinye, resevwa meyè rekonesans nan nivo nasyonal ak
entènasyonal. Resamman, M-DCPS te atenn yon to gradyasyon remakab, ki se 92 pousan.
Konsènan
Griffin Catalyst
'Griffin Catalyst' se
inisyativ angajman sivik, fondatè e Direktè Jeneral 'Citadel' Ken Griffin te
kreye, ki gen ladan efò li ap fè pou kreye yon enpak nan domèn
filantwopik ak kominotè. Lè li atake pi gwo defi mond la ap fè fas avèk inovasyon, aksyon ki chita
sou evidans, 'Griffin Catalyst' demontre li devwe pou l elaji opòtinite yo e
amelyore lavi moun atravè sis domèn konsantrasyon: Edikasyon, Syans & Medsin, Asansyon
Sosyal, Libète
& Demokrasi, Antrepriz & Inovasyon, ansanm ak Kominote.
Konsènan
Laboratwa
Edikasyon 'University of Chicago'
"The University
of Chicago Education Lab" (Laboratwa Edikasyon University of Chicago) fè patenarya
avèk distri lekòl yo pou kreye, teste, e devlope pwogram pou asire tout elèv
gen opòtinite pou fè siksè nan lavni. Lè nou jenere bonjan evidans nan yon nivo pratik, nou montre
vizyon nou yo pa teyorik; yo fèt pou yo aplike nan salklas e pou yo atenn
yon pi gran kantite elèv – e kòm rezilta, n ap fè enpak sou maksimòm elèv atravè tout peyi
a.
Konsènan
MDRC
'MDRC' pran angajman
pou l jwenn solisyon pou kèk nan pwoblèm ki pi difisil peyi a ap fè fas—kòmanse sou rediksyon povrete ak
sipò pou endepandans ekonomik rive nan amelyorasyon edikasyon piblik ansanm ak
to gradyasyon nan kolèj. MDRC kreye nouvo entèvansyon ki vrèman pozitif, li evalye pwogram ki
egziste yo, li ofri asistans teknik pou devlope meyè pwogram e akonpli entèvansyon ki
efikas e ki ap atenn yon majorite moun.
Konsènan
Accelerate
– Kolaborasyon Nasyonal pou Aprantisaj Akselere
'Accelerate’ se yon òganizasyon ki pa la pou pwofi, 'America
Achieves', yon òganizasyon nasyonal ki pa la pou pwofi, te kreye, devlope e
lanse, ki ap chèche
entwodui pwogram leson patikilye trè efikas nan lekòl piblik yo kounye a e pou
lavni. 'Accelerate', ki te kòmanse ann avril 2022 avèk yon fon inisyal $65
milyon, finanse e sipòte inovasyon nan lekòl yo, li lanse pwogram rechèch kalite
siperyè,
e li ap aplike règleman federal yo pou sipòte travay sa a.
# # #
24-VSP/076/NB/RD/CM/SD