“Miami-Dade
County Public Schools (M-DCPS)” (Lekòl Leta Miami-Dade County) resevwa yon don
$8.8 milyon pou pwogram ‘Clean School Bus’ li a nan men “Environmental
Protection Agency (EPA)” (Ajans Pwoteksyon Anviwònman) an, ki pral pèmèt
distri a ajoute 25 otobis elektrik sou flòt li gen kounye a. Sa pral fè
Distri a gen yon total 125
otobis elektrik sou wout la anvan 2026.
Anplis
ranplasman apeprè 25 otobis dizèl avèk sa ki elektrik, don sa a ap
kouvri estasyon chajman yo, ansanm ak fòmasyon pou mekanisyen ki pral responsab
otobis yo. Fòmasyon an ap fèt atravè ‘Bluebird
Technician Academy’.
Kòm echanj pou finansman
sa a, M-DCPS ap bay EPA apeprè 25 otobis dizèl. Kantite otobis
dizèl M-DCPS remèt yo pral depann de kantite nouvo otobis elektrik EPA finanse.
Nou atann pou otobis sa yo disponib an 2026.
Nan mwa janvye ki sot pase a, pwogram don "Clean
School Bus” (Otobis Lekòl Ekolojik) la te bay M-DCPS $19.7 milyon pou acha 50
otobis elektrik.
M-DCPS te entwodui 35 otobis elektrik nan ane lekòl ki
sot pase a, e nou pwograme pou nou mete 15 lòt sou wout la anvan ane pwochèn
gras ak fon ‘Florida Volkswagen Mitigation Settlement Trust’. Lè Distri a
ajoute 25 lòt otobis atravè Pwogram Otobis Lekòl Ekolojik la sa ap pèmèt li
genyen 125 otobis elektrik sou wout la anvan 2026.
Pou dènye
enfòmasyon yo an Kreyòl, silvouplè branche sou Radyo Lekòl lendi - vandredi a
9è diswa sou WLRN 91.3 FM, ak mèkredi 10:30 dimaten sou WSRF 1580AM, ak 6è
diswa sou RCH 23 1610AM.
Silvouplè telechaje
aplikasyon mobil Dadeschools la sou Aparèy iPhone oswa Android ou. Suiv nou sou
X, nou te konnen sou non Twitter nan @MDCPS ak
@SuptDotres,
sou Instagram nan @MiamiSchools ak
@SuptDotres,
sou Facebook nan MiamiSchools.
# # #
24-VSP/100/AR/CM/RD