"The Florida Department of Education (FLDOE)" (Depatman
Edikasyon Florid) te pibliye yè, rezilta administrasyon evalyasyon eta a pou prentan
2024 pou distri a ak tout eta Florid la, evalyasyon sa a ki te fèt pou mezire "Benchmarks
for Excellent Student Thinking (B.E.S.T.)" (Meyè Referans Estanda Aprantisaj
sou Fason Elèv Reflechi).
Evalyasyon sa yo gen ladan “The Florida Assessment of
Student Thinking (FAST)” (Evalyasyon nan Florid sou Fason Elèv Reflechi) pou
klas 3èm rive 10èm ane eskolè nan "English Language Arts (ELA)" (Lekti
Redaksyon Lang Anglè) ak klas 3èm rive 8èm ane nan Matematik, ak Evalyasyon "End-of-Course (EOC)" (Fen Kou) B.E.S.T. nan Aljèb 1 ak Jewometri. Yo te
pibliye tou rezilta "Statewide Science Assessment" (Evalyasyon Syans nan tout
Eta a) pou klas 5èm ak 8èm ane eskolè ak rezilta Fen Kou pou 'Next Generation
Sunshine State Standards (NGSSS)' nan Biyoloji 1, Sivik, ak Istwa Etazini
ansanm ak nouvo nòt ‘BEST’ pou klas 4èm rive 10èm.
Sipèentandan Lekòl yo Dtè Jose L. Dotres di, “Daprè trajektwa
rezilta satisfezan siksè nou, mwen fyè de travay ekselan elèv ak edikatè nou
yo, jan evidans rezilta evalyasyon eta a montre a. Lè Depatman Edikasyon Florid
pibliye lòt atik sou done yo, n ap kapab evalye pèfòmans elèv ak lekòl yo pi
byen.”
Anba a w ap jwenn rezilta kle administrasyon evalyasyon
pou prentan 2024 yo. Nou vle w remake rezilta nan nòt pou laprès sa a gen ladan
tout elèv ki te teste yo, epi li pa reprezante gwoup eta a pral itilize pou jistifikasyon
responsablite rezilta done yo.
·
Elèv M-DCPS yo te demontre
pi gwo pousantaj elèv ki fè nòt konparab nan nivo klas yo oswa pi wo nan
evalyasyon “FAST ELA Reading” (Lekti Redaksyon Lang Anglè FAST) la konpare ak kamarad
yo nan lòt gwo distri lekòl ak nan Eta Florid nan tout nivo klas yo konbine.
o
Elèv M-DCPS yo te depase nivo
elèv atravè eta a lè yo te fè nòt Nivo 3 ak pi wo nan evalyasyon “FAST ELA
Reading” (Lekti Redaksyon Lang Anglè FAST) nan chak nivo klas yo.
o
Elèv M-DCPS yo te demontre
yon ogmantasyon nan klas 3èm rive 5èm ane atravè tout nivo klas yo,
o
Elèv
M-DCPS yo te depase kamarad yo nan 4èm ak 7èm ane konpare ak ane anvan an.
·
Elèv
M-DCPS yo te demontre pi gwo pousantaj elèv ki fè nòt nan nivo klas yo oswa pi
wo nan matematik ‘FAST’ la konpare ak kamarad yo nan lòt gwo distri lekòl ak eta
Florid la ak nan tout nivo klas yo konbine.
o
Elèv
M-DCPS yo te pèfòme pi byen pase elèv atravè eta a lè yo te fè nòt Nivo 3 ak pi
wo nan evalyasyon matematik nan chak nivo.
o
Elèv
M-DCPS yo te demontre yon ogmantasyon nan klas 3èm rive 5èm ane nan tout nivo
klas yo.
o
Elèv
M-DCPS yo depase oswa fè nòt konparab ak kamarad yo nan tout nivo klas yo
konpare ak ane anvan an.
·
Elèv
M-DCPS yo te depase nivo Eta a nan pousantaj elèv ki te fè nòt nan nivo klas yo
oswa pi wo nan egzamen (EOC) Fen Kou ‘BEST’ la pou Aljèb 1 ak Jewometri nan Prentan
2024 la.
o
M-DCPS
demontre ogmantasyon nan pousantaj elèv ki fè nòt nan Nivo 3 ak pi wo nan ‘EOC’
Aljèb 1 ak Jewometri soti 2023 rive 2024.
·
Nan
syans, yon pi gwo pousantaj elèv M-DCPS nan klas 5èm, 8èm ane ak biyoloji te fè
nòt nan nivo 3 ak pi wo nan 2024 konpare ak ane anvan an.
o
Pwogrè
elèv M-DCPS yo te fè nan syans soti 2023 rive 2024 te depase mwayèn eta a, ak
ogmantasyon remakab nan pousantaj pou klas 5èm ak 8èm ane, ak yon ogmantasyon
enpòtan nan ‘EOC’ nan biyoloji.
o
Nan
biyoloji, elèv M-DCPS yo depase kamarad yo nan eta Florid la nan pousantaj elèv
ki fè nòt nan nivo 3 ak pi wo.
o
Nan
klas Syans nan 5èm ane eskolè, elèv M-DCPS yo fè nòt konparab ak kamarad yo nan
eta a nan pousantaj elèv ki fè nòt nan nivo 3 ak pi wo.
·
Elèv
M-DCPS te depase mwayèn Eta a nan evalyasyon syans sosyal, ak 70 pousan ki te
fè nòt Nivo 3 oswa pi wo nan egzamen Fen Kou Sivik ak egzamen Istwa Etazini.
o
Te
gen amelyorasyon nan pousantaj elèv M-DCPS ki te fè nòt nan nivo 3-5 nan
egzamen EOC
Fen Kou Sivik ak Istwa Etazini an, ki demontre yon ogmantasyon konpare avèk ane
anvan an.
Rapò rezime
konplè Distri, eta ak lekòl yo disponib sou sit entènèt “Florida Department of Education (FLDOE)”
(Depatman Edikasyon Florid) epi
yo pral disponib tou sou sit entènèt “Assessment, Research, and Data Analysis” (Evalyasyon,
Rechèch, ak Analiz Done) nan https://arda.dadeschools.net/ .
Silvouplè
telechaje aplikasyon mobil Dadeschools la sou aparèy iPhone oubyen Android ou.
Suiv nou sou X, nan @MDCPS ak @SuptDotres, sou
Instagram nan @Miamischools e @SuptDotres, sou
Facebook nan MiamiSchools.
# # #
24-VSP/002/HD/RD/SD