Komisyon Konsèy Lekòl Miami-Dade County Apwouve Bidjè 2024-2025 la

Komisyon Konsèy Lekòl Miami-Dade County apwouve yon bidjè pou ane fiskal 2024-25 la mèkredi swa ki ogmante finansman pou sante mantal, sèvis pou elèv ki gen andikap, edikasyon apre lekòl segondè ansanm ak ranfòsman sekirite pou asire elèv yo gen yon anviwònman aprantisaj ki gen sekirite. Bidjè ki apwouve a fè tout sa, pandan pousantaj taks sou pwopriyete a rete pami sa ki ba yo pandan plis pase 40 ane.

Sipèentandan Lekòl yo Dtè. Jose L. Dotres di, "Bidjè sa a gade nan direksyon lavni. Li pwoteje sa nou plis ancheri yo pandan l ap ofri opòtinite pou inovasyon... Bidjè sa a reflete angajman nou pran pou nou ofri yon edikasyon kalite siperyè pandan n ap montre nou responsab nan pwoteje lajan takspeyè yo."

Bidjè $7.4 milya dola ki apwouve a konsantre sou mendèv, edikasyon apre lekòl segondè ak plis finansman pou edikasyon pou timoun anbazaj. Pou ane fiskal 2024 – 2025 la, bidjè sa a kenbe pousantaj taks sou pwopriyete a, a 6.699 pousan.

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM.

Silvouplè telechaje aplikasyon mobil Dadeschools la sou aparèy iPhone oubyen Android ou. Suiv nou sou X, nan @MDCPS ak @SuptDotres, sou Instagram nan @Miamischools e @SuptDotres, sou Facebook nan MiamiSchools.