Komisyon Konsèy Lekòl la Apwouve Konpayi Konstriksyon Veitia Padron, Inc. Pou De (2) Pwojè GOB avèk yon Bidjè $37.3 Milyon Dola

Nan reyinyon regilye li te fè mèkredi 11 septanm 2024 la, Komisyon Konsèy Lekòl Miami-Dade te vote pou apwouve konpayi konstriksyon Veitia Padron Incorporated (VPI), pou fini de (2) pwojè “General Obligation Bond (GOB)” (Bon Obligasyon Jeneral) nan Madison Middle School ak Broadmoor Elementary School ki totalize $37.3 milyon dola.

Treva la gen ladan pwojè ranplasman konstriksyon pasyèl ak renovasyon nan Madison Middle School avèk yon bidjè konstriksyon $22.2 milyon dola. Nan Lekòl Elemantè Broadmoor, travay ranplasman konstriksyon, remodlaj ak renovasyon an pral totalize $15.1 milyon dola.

Madison Middle School – Lekòl sa a kouvri yon espas 14 kawo tè epi li gen 14 bilding pèmanan ak pasaj pyeton ki kouvri, avèk yon kapasite pou 832 plas pou elèv. Bilding yo te konstwi ant ane 1954 ak 2012.

Dimansyon pwojè a gen ladan demolisyon ak ranplasman kèk bilding nou seleksyone. Pral genyen tou yon nouvo andwa pou paran depoze ak vin chèche elèv, pasaj pyeton ki kouvri ak yon nouvo tablo afich dijital. Nan kad travay la yo pral ranplase kloti ak kèk baryè nou seleksyone, epi yo pral retrase teren baskètbòl la.

Yo pral ranplase fenèt ak kèk pòt nou seleksyone ansanm ak ekleraj enteryè ak kabinèt yo.

Travay la pral gen ladan tou ranplasman sistèm HVAC kèk kote nou seleksyone.

Yo ap enstale yon nouvo sistèm sekirite nan tout kanpous la, y ap amelyore sistèm megafòn pou kominikasyon piblik la ak sistèm alam dife a. Yo pral ranplase sistèm son oditoryòm nan tou.

Alokasyon total pou pwojè a se - $22.2 milyon       Li ap fini an – Oktòb 2027

Broadmoor Elementary School – Lekòl sa a touprè ak Madison Middle epi li kouvri yon espas 5 kawo tè epi li gen nèf bilding pèmanan, ak pasaj ki kouvri, avèk yon total 708 plas pou elèv. Bilding yo te konstwi ant 1957 ak 1996.

Dimansyon pwojè a gen ladan demolisyon ak ranplasman kèk bilding nou seleksyone, yon nouvo andwa pou paran depoze ak vin chèche elèv, agrandisman pakin yo, yon nouvo pasaj pyeton ki kouvri ki pral konekte avèk nouvo bilding yo, ak yon nouvo andwa pou manje deyò, ki kouvri. Ap gen tou yon nouvo teren baskètbòl, ak yon nouvo tablo afich dijital.

Yo ap ranplase fenèt aliminyòm, pòt an fè yo, kabinèt anwo ak anba nan salklas yo.

Yo pral ranplase ekipman plonbri ak fontèn dlo yo ansanm ak sistèm HVAC a. Yo pral ranplase ekleraj enteryè ak limyè kanopi yo ansanm ak limyè eksteryè ki sou miray yo. Yo ap pentire mi eksteryè kanpous la.

Yo pral amelyore sistèm alam sekirite ak kamera siveyans lekòl la, sistèm alam dife a, ansanm ak megafòn pou kominikasyon piblik la.

Enfòmasyon sa yo se yon konbinezon total pou toude pwojè yo:

Patisipasyon Total Soutretans “Small Business Enterprise (SBE) / Micro Business Enterprise (MBE)” (Antrepriz Ti Biznis/Mikwo Biznis): 13.28 pousan

Objektif Patisipasyon Total Soutretans “Minority/Women Business Enterprises (M/WBE)” (Antrepriz Biznis Minoritè/Biznis Fi Posede): 1.73 pousan

Alokasyon total pou pwojè a se - $15.1 milyon                          Li ap fini an – Me 2027

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM.

Silvouplè telechaje aplikasyon mobil Dadeschools la sou aparèy iPhone oubyen Android ou. Suiv nou sou X, nan @MDCPS ak @SuptDotres, sou Instagram nan @Miamischools e @SuptDotres, sou Facebook nan MiamiSchools.