M-DCPS Resevwa Yon Sibvansyon $1.37 Milyon Dola Nan Men FDOE Pou Devlope Pwogram Aprantisaj Inovatif Nan Lekòl Segondè Ak Apre Lekòl Segondè Ak ‘iPrograms’ Pwogram Preparasyon pou Aprantisaj

“Miami-Dade County Public Schools (M-DCPS)” (Lekòl Leta Miami-Dade County) antèt eta a kòm pi gwo resipyan twa sibvansyon pou pwogram “Pathways to Career Opportunities (PCOG)” (Chemen pou Opòtinite Karyè) a ki vo $1.37 milyon dola nan men “Florida Department of Education” (Depatman Edikasyon Florid). Don sa a pral finanse agrandisman pwogram preparasyon pou aprantisaj la ak lòt pwogram aprantisaj yo, pou benefisye elèv nan lekòl segondè ak apre lekòl segondè nan sektè kle tankou teknoloji sèvis otomobil, teknisyen sistèm dyezèl, done syans ak ar kilinè. Alokasyon enpòtan sa a asire M-DCPS kontinye kenbe premye plas nan eta a nan bay elèv nan tout nivo yo, sètifikasyon endistri ak fòmasyon ak ladrès pou yo prepare pou travay.

Twa sibvansyon sa yo ki vo $1.37 milyon dola gen ladan:

·         Pwogram sa yo ki anba gouvènans Biwo Karyè Aprè Lekòl Segondè ak Edikasyon Teknik, ki resevwa yon sibvansyon pou $834,664 dola pou sipòte pwogram aprantisaj apre lekòl segondè nan sèvis mekanik otomobil, teknisyen sèvis dyezèl pou veyikil tout teren, ak teknisyen sistèm dyezèl.

·         Nou resevwa yon sibvansyon pou $217,905 dola pou elaji pwogram preparasyon pou aprantisaj apre lekòl segondè a ki konsantre sou asistan sèvis otomobil.

·         Nou resevwa yon sibvansyon $318,007 dola pou pwogram preparasyon pou aprantisaj lekòl segondè nan sektè ar kilinè ak restoran ak done syans (Entelijans Atifisyèl).

Ane pase, M-DCPS se premye distri lekòl nan eta Florid ki te resevwa apwobasyon pou lanse yon pwogram preparasyon pou aprantisaj nan lekòl segondè nan Ekspè Done (Entelijans Atifisyèl). Atravè ekspansyon pwogram preparasyon pou aprantisaj Ekspè Done a (AI), nou pral ajoute nan twa lòt lekòl. Lè nou resevwa donasyon sa yo, sa pral sipòte tou lansman chemen pou pwogram preparasyon pou aprantisaj Ar Kilinè a.

Lè nou mete aksan sou fòmasyon pratik, bay konsèy ak kalifikasyon endistri yo, M-DCPS asire elèv li yo pa sèlman aprann konpetans teknik ki nesesè pou siksè, men tou devlope pwofesyonalis ak opòtinite pou fè koneksyon ki nesesè pou pwospere nan karyè yo. Avèk sipò sibvansyon ‘Pathways to Career Opportunities Grant (PCOG)’ la, M-DCPS ap agrandi pwogram lekòl segondè ak pwogram aprè lekòl segondè yo, pou devlope anplwaye ak yon mendèv solid ki pare pou antre sou mache a epi ki prepare pou satisfè demand sektè kle nan Florid yo. Finansman sa a pèmèt M-DCPS bay elèv nan tout nivo yo aksè a bon jan kalite pwogram preparasyon pou aprantisaj ak aprantisaj, ki mennen nan opòtinite imedya pou karyè oswa edikasyon siperyè. Donasyon sibvansyon ‘PCOG’ a, ap ranfòse pi plis pozisyon M-DCPS kòm pi bon chwa pou karyè ak edikasyon teknik nan Florid, ki etabli yon nouvo estanda pou ekselans edikasyonèl ak devlopman mendèv.

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM.

Silvouplè telechaje aplikasyon mobil Dadeschools la sou aparèy iPhone oubyen Android ou. Suiv nou sou X, nan @MDCPS ak @SuptDotres, sou Instagram nan @Miamischools e @SuptDotres, sou Facebook nan MiamiSchools.