Depatman Edikasyon Etazini Nonmen Twa Lekòl M-DCPS Kòm “National Blue Ribbon Schools 2024” (Lekòl Nasyonal ‘Blue Ribbon’)

Pwogram Lekòl ‘Blue Ribbon’ 2024 Depatman Edikasyon Etazini an rekonèt twa lekòl leta Miami-Dade County kòm Lekòl Egzanplè ki gen Pèfòmans Siperyè. Lekòl yo se George Washington Carver Middle School, Jose Marti MAST 6-12 Academy ak Lekòl Elemantè North Dade Center for Modern Languages?. Yo te rekonèt yon total 15 lekòl nan Florid avèk prim sa a.

Pwogram National ‘Blue Ribbon Schools’ Depatman Edikasyon Etazini rekonèt lekòl yo dapre done pèfòmans elèv yo ki gen ladan rezilta evalyasyon yo, pèfòmans sou gwoup elèv, ak pousantaj gradyasyon yo. Yo rekonèt lekòl yo nan toude oswa nan youn nan de (2) kategori pèfòmans sa yo: 1) Lekòl Egzanplè ki gen Pèfòmans Siperyè: Lekòl sa yo pami lekòl ki pèfòme pi byen nan eta yo dapre evalyasyon eta yo oswa egzamen estanda nasyonal yo. 2) Lekòl Egzanplè ki Fèmen Eka Diferans yo: Lekòl sa yo eksele nan redui diferans ki genyen ant gwoup elèv yo ak tout lòt elèv yo an jeneral. Depatman Edikasyon Etazini nonmen lekòl eksepsyonèl chak ane pou prim dezirab sa a.

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM.

Silvouplè telechaje aplikasyon mobil Dadeschools la sou aparèy iPhone oubyen Android ou. Suiv nou sou X, nan @MDCPS ak @SuptDotres, sou Instagram nan @Miamischools e @SuptDotres, sou Facebook nan MiamiSchools.