Lekòl Leta Miami-Dade County Resevwa $8.3 Milyon Dola Atravè Pwogram Sibvansyon Ankourajman pou Pwomosyon Mendèv

Depatman Edikasyon Florid bay distri "Miami-Dade County Public School (M-DCPS)" (Lekòl Leta Miami-Dade County) $8,314,350 atravè Pwogram Sibvansyon Ankourajman pou Pwomosyon Devlopman Mendèv (Workforce CAP). Nou pral itilize finansman sa a pou kreye ak elaji pwogram inovatif K-12 ak pwogram devlopman mendèv anwolman doub apre lekòl segondè atravè distri a, pou bay elèv yo eksperyans edikasyonèl pratik nan domèn ki gen anpil demand.

Sipèentandan Lekòl yo Doktè Jose L. Dotres deklare, “Envestisman enpòtan sa a nan avni elèv nou yo se yon temwayaj angajman nou pran pou ba yo zouti ak resous yo bezwen pou yo reyisi nan mendèv 21èm syèk la... Nou kontan anpil pou nou anonse apeprè $3 milyon nan sibvansyon sa a pral dedye pou etabli ‘Mega-Magnet SpaceHUB’ ki pral konsantre sou Syans Ayewospasyal an patenarya avèk Pwogram Akademi Espasyal Florid la.”

SpaceHUB la pral yon anviwònman aprantisaj dènye kri kote elèv yo ka eksplore mond enteresan ayewospasyal la, e resevwa bonjan ladrès ak konesans nan domèn tankou:

·        Syans Ayewospasyal Avanse

·        Jeni Ayewospasyal Aplike

·        Wobotik Ayewospasyal Aplike

·        Syans Enfòmatik Ayewospasyal 

·        Sistèm Elektwonik Ayewospasyal 

Anplis SpaceHUB la, sibvansyon Mendèv CAP la pral sipòte tou amelyorasyon ak agrandisman lòt pwogram K-12 Karyè ak Edikasyon Teknik M-DCPS, tankou :

·        Entelijans Atifisyèl

·        Jesyon Konstriksyon Bilding

·        Teknoloji Agrikòl

·        Antreprenarya - Jesyon ak Analiz Biznis

Elèv yo ap resevwa nan pwogram sa yo sètifika ak kalifikasyon endistri yo rekonèt, ki pral prepare yo pou karyè ki mande gwo ladrès e ki ofri gwo salè nan sektè k ap grandi nan ekonomi Florid la. M-DCPS se twazyèm pi gwo distri lekòl Ozetazini, k ap sèvi plis pase 330,000 elèv. M-DCPS pran angajman pou l ofri yon edikasyon klas mondyal pou chak elèv, pou asire yo prepare pou kolèj ak karyè.

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM. 

Silvouplè telechaje aplikasyon mobil Dadeschools la sou aparèy iPhone oubyen Android ou.

Suiv nou sou X nan @MDCPS ak @SuptDotres, sou Instagram nan @MiamiSchools ak @SuptDotres, a sou Facebook nan MiamiSchools.