M-DCPS Selebre Efò Anviwònmantal Inovatif Atravè Prim pou Pwogram Rekonesans Lekòl Ekolojik yo

Gayan yo resevwa prim nan seremoni prim pou Pwogram Rekonesans Lekòl Ekolojik yo.

"Miami-Dade County Public Schools" (Lekòl Leta Miami-Dade County) te òganize premye seremoni anyèl Pwogram Rekonesans Lekòl Ekolojik yo pou rekonèt efò san parèy nan anviwònman an pami 75 lekòl elemantè, mwayen, ak lekòl segondè ki te patisipe yo.

Sipèentandan Lekòl yo Doktè Jose L. Dotres di, "Sa a se yon etap enpòtan paske kòm yon distri lekòl n ap travay di anpil pou transizyone nan yon anviwònman ekolojik. Jodi a n ap selebre 75 lekòl yo konsidere kòm "Green Schools" (Lekòl Ekolojik), e sa a se yon fason pou asire elèv nou yo konprann fason pou yo jere anviwònman an pandan y ap fè yon enpak pozitif sou anviwònman an."

Pami lòt moun ki te prezan ak Sipèntandan Dotres te gen administratè distri yo, pwofesè ak elèv yo ki te asiste evènman an nan Thalatta Estate. Ron Magill te sèvi kòm Mèt Seremoni e li te òganize seremoni prim nan pou rekonèt efò eksepsyonèl 75 lekòl ki te patisipe nan konpetisyon yo, yo tout te resevwa yon prim pou patisipasyon yo.

Twa premye lekòl ki te gen plis pwen pou efò dirabilite jeneral yo te resevwa prim Gayan Jeneral pou Lekòl Ekolojik yo epi yo resevwa yon don finasye ki vo $5,000, $3,000, ak $1,000 daprè lòd gayan yo. Lekòl gayan yo se: 

1^ye Plas - Air Base K-8 Center

2^èm Plas - Terra Environmental Research Institute

3^èm Plas - Twin Lakes Elementary School

Alonso Pendergrass, ki se Direktè Lekòl Air Base K-8, gayan prim premye plas kòm "Green School Awards Overall Winner" (Gayan Jeneral nan Prim Lekòl Ekolojik yo) di, “N ap anseye timoun nou yo, n ap devlope jèn lespri ak adilt alavni ki pral ede kreye ak sipòte inisyativ ki pral kontinye pran swen planèt nou an ak anviwònman ki antoure nou an.  Pou rezon sa a, lekòl nou an ap kontinye rete yon poto mitan pou anviwònman an nan kominote nou an."

Yo te rekonèt tou sèt lekòl pou efò eksepsyonèl yo fè nan kategori ki suiv sa yo:

·                     "School Grounds Advancement" (Amelyorasyon nan Lakou Lekòl la) – Biotech @Richmond Heights Senior High School

·                     "Resource Conservation" (Konsèvasyon Resous) – Maritime and Science Technology Academy (MAST)

·                     "Health and Wellness" (Sante ak Byennèt) – Banyan Elementary School

·                     "Curriculum Integration" (Entegrasyon Kourikoulòm) – Hubert O. Sibley K-8 Academy

·                     "Community Involvement" (Patisipasyon Kominotè) – Dr. Carlos J. Finlay Elementary School

·                     "School-Wide Culture" (Anviwònman Lekòl la) – Dr. Rolando Espinosa K-8 Center

·                     "Innovation" (Inovasyon) – Cutler Bay Senior High School

Karly Pulido, Ofisyèl Anchèf Pwogram Devlopman Dirab M-DCPS la di, “Kòm twazyèm pi gwo distri nan peyi a, M-DCPS gen anpil espas pou etablisman e nou vle asire nou sèvi yon fason ki pridan ak resous nou yo pou benefisye planèt la. Nou vle asire tou leson sa yo pase soti nan elèv nou yo jis rive nan laj adilt yo.  Sèl fason pou nou rive la se atravè salklas nou yo nan M-DCPS epi gras a Pwogram Rekonesans Lekòl Ekolojik la, kounye a nou gen yon chemen klè pou rive fè sa."

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM. 

Silvouplè telechaje Aplikasyon Mobil Dadeschools la sou aparèy iPhone oswa Android ou. Suiv nou sou X nan @MDCPS ak @SuptDotres, sou Instagram nan @MiamiSchools ak @SuptDotres, a sou Facebook nan MiamiSchools.