Lekòl Ekselans 2023-2024

Konsèy Edikasyon Eta a pibliye lis "Schools of Excellence" (Lekòl Ekselans) nan Eta Florid. "Miami-Dade County Public Schools (M-DCPS)" (Lekòl Leta Miami-Dade County) reyalize yon rezilta enpresyonan lè li reprezante 21 pousan pami 774 lekòl nan Florid, yo deziyen kòm Lekòl Ekselans pou ane lekòl 2023-2024 la. Nou mete nan atachman an lis lekòl ki resevwa deziyasyon sa a nan Distri nou an (gade atachman an).

Anplis, pami gwo distri lekòl ibèn yo, M-DCPS te gen pi gwo to pousantaj pami 774 lekòl nan Florid ki deziyen kòm Lekòl Ekselans pou ane lekòl 2023-2024 la.

Jan Seksyon 1003.631(1)(a) Lwa Florid la souliye, yo defini yon Lekòl Ekselans kòm yon lekòl ki resevwa yon kantite pwen nan kalkil nòt lekòl la ki klase nan nivo nòt 80èm oswa pi wo pou lekòl ki konpoze avèk gwoup ki nan menm nivo a (tankou lekòl elemantè, mwayen, segondè ak gwoup ki konbine yo) pou omwen de (2) nan twa dènye ane lekòl yo.

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM. 

Silvouplè telechaje Aplikasyon Mobil Dadeschools la sou aparèy iPhone oswa Android ou. Suiv nou sou X nan @MDCPS ak @SuptDotres, sou Instagram nan @MiamiSchools ak @SuptDotres, a sou Facebook nan MiamiSchools.