M-DCPS Resevwa yon Don $1 Milyon Dola pou Lansman 'Rachel's Challenge Mental Health Initiative' nan 30 Lekòl Mwayen nan Miami-Dade

"Miami-Dade County Public Schools (M-DCPS)" (Lekòl Leta Miami-Dade County) resevwa yon don $1 milyon dola nan men Depatman Jistis Etazini pou amelyore anbyans lekòl yo e ogmante entèvansyon sipò nan domèn sante mantal pou elèv nan 30 lekòl mwayen. Don an pral finanse yon inisyativ ki la depi twazan avèk ‘Rachel’s Challenge’ pou pèmèt plis pase 23,000 elèv jwenn aksè ak pwogram sa a yo rekonèt nasyonalman, e ki baze sou evidans.

'Rachel's Challenge' se yon entèvansyon konplè nan lekòl yo, ki soti nan eksperyans Rachel Scott, yon victim trajedi Columbine High School la. Objektif pwogram nan se fè prevansyon kont agresyon, arasman, ak vyolans lè nou pwomote relasyon pozitif ansanm ak sante mantal.

Gen plis pase 94 pousan elèv ki idantifye kòm yon minorite rasyal oswa etnik e gen prèske yon ka ladan yo ki ap aprann Anglè, pami yo genyen timoun ki reprezante plis pase 160 diferan nasyonalite. Satisfè bezwen kantite elèv sa yo ki trè divèsifye se yon defi ki vin pi difisil pou n leve espesyalman apre pandemi an. Lè M-DCPS enplemante ‘Rachel's Challenge’, se kontinye l ap kontinye travay pou l rive kreye yon anviwònman lekòl kote tout elèv santi yo lakay yo.

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM. 

Tanpri telechaje Aplikasyon Mobil Dadeschools la sou aparèy iPhone oswa Android ou. Suiv nou sou X nan @MDCPS ak @SuptDotres, sou Instagram nan @MiamiSchools ak @SuptDotres, a sou Facebook nanMiamiSchools.