Komisyon Konsèy Lekòl la Apwouve yon Konpayi Konstriksyon Pou Pwojè GOB Ki Vo $29.8 Milyon

Nan reyinyon regilye Komisyon Konsèy Miami-Dade County a, li te apwouve 'James B. Pirtle Construction Company, Inc.' pou konplete pwojè "General Obligation Bond (GOB)" (Bon Obligasyon Jeneral) nan Lekòl Segondè JC Bermudez Doral. Pwojè ekspansyon ak renovasyon lekòl la gen yon bidjè konstriksyon ki vo apeprè $29.8 milyon.

Lekòl la, ki te bati an 1998, gen ladan de (2) bilding ak 1,193 plas pou elèv, ki pral ogmante a 1,810 plas pou elèv yon fwa pwojè a fini. Dimansyon pwojè a gen ladan yon nouvo bilding twa etaj nan yon espas 85,000 pye kare, pou yon total 617 nouvo plas pou elèv. Nouvo bilding nan pral gen yon jimnazyòm ki gen kapasite pou 2,000 moun, ansanm ak vestyè pou gason ak fiy.

Nouvo bilding la ap gen ladan tou yon "Little Theater/Black Box building" (bilding ak Sal Teyat/Estidyo ak laboratwa), yon estidyo dans jimnastik ak yon sal pou plizyè fonksyon. Ap genyen tou kat laboratwa teknik pwofesyonèl/komèsyal, 12 salklas jeneral ak kat salklas syans.

Pami amelyorasyon adisyonèl yo pral fè yo genyen agrandisman espas pakin nan, nouvo pasaj ki kouvri, amelyorasyon nan sistèm 'HVAC' a ak amelyorasyon nan enfrastrikti yo. Yo pral fè renovasyon nan bilding 2 a, tankou modènizasyon kwizin nan, yon sal a manje ki kouvri, yon chanm pou miskilasyon ak yon chanm pou lit espòtif.

Alokasyon total pou pwojè a se - $29. 8 milyon              Li ap fini an - Jen 2026

Patisipasyon Total Soutretans "Small Business Enterprise (SBE)/Micro Business Enterprise (MBE)" (Antrepriz Ti Biznis/Mikwo Biznis): 20.9 pousan

Objektif Patisipasyon Total Soutretans "Minority/Women Business Enterprises (M/WBE)" (Antrepriz Biznis Minoritè/Biznis Fi Posede): 12 pousan

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM.

Silvouplè telechaje Aplikasyon Mobil Dadeschools la sou aparèy iPhone oswa Android ou. Suiv nou sou X nan @MDCPS ak @SuptDotres, sou Instagram nan @MiamiSchools ak @SuptDotres, a sou Facebook nan MiamiSchools.