Komisyon Konsèy Lekòl la Apwouve Konpayi Konstrinsyon pou yon Pwojè GOB ki Vo $8.8 Milyon

Nan reyinyon regilye li te fè semèn pase a “Komisyon Konsèy Lekòl Miami-Dade la te apwouve ‘JCI International Inc.’, pou konplete pwojè “General Obligation Bond (GOB)” (Bon Obligasyon Jeneral) nan Jane S. Roberts K-8 Center. Pwojè renovasyon nan lekòl la gen yon bidjè konstriksyon apeprè $8.8 milyon. 

Lekòl la, ki te bati an 1990, pote non Jane S. Roberts, ki te trè aktif nan zafè kominotè, e yo te eli l nan Komisyon Konsèy la an 1958. Li te sèvi kòm premye fi nan wòl chèmann Konsèy la soti 1961 rive 1967.  

Kanpous la gen 16 bilding ak sis klas pòtab avèk 1,192 plas pou elèv. Dimansyon pwojè a gen ladan amelyore ekipman ki nan kuizin nan ak twalèt ki la kounye a pou konfòme yo ak egzijans ADA yo, ansanm ak amelyore sistèm otomatik pou etenn dife nan kuizin nan. Nou ap ranplase kèk kote nan twati a ansanm ak kèk fenèt ansanm ak chanm fwad la. Anplis, nou pral repentire fasad deyò mi kanpous la. 

Pami lòt amelyorasyon yo genyen modènizasyon sistèm kontwòl HVAC atravè kanpous la, sistèm drenaj la ansanm ak fontèn dlo yo.  

Alokasyon total pou pwojè a – Apwoksimativman $8.8 milyon dola

Dat l ap Fini – Me 2026

Objektif patisipasyon total soutretans antrepriz Ti Biznis/Mikwo Biznis: 30.1 pousan 

Objektif patisipasyon total soutretans antrepriz Minoritè/Antrepriz Fi Posede: 20.41 pousan.

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM. 

Silvouplè telechaje Aplikasyon Mobil Dadeschools la sou aparèy iPhone oswa Android ou. Suiv nou sou X nan @MDCPS ak @SuptDotres, sou Instagram nan @MiamiSchools ak @SuptDotres, e sou Facebook nan MiamiSchools.