M-DCPS Devwale yon Espas Inovasyon nan George Washington Carver Middle School

Elèv Lekòl Mwayen George W. Carver ap eseye youn nan aktivite ‘Makerspace’ yo.

“Miami-Dade County Public Schools (M-DCPS)” (Lekòl Leta Miami-Dade County) te òganize yon evènman koupe riban pou yon espas inovasyon yo re-amenaje, ki rich ak teknoloji nan sant medya George Washington Carver Middle School. Nouvo espas la gen ladan kas reyalite vityèl, zòn 'Makerspace' (yon espas pou elèv pataje lide, ekipman, ak konesans), avèk wobotik pou aktivite aprantisaj pratik, ansanm ak nouvo mèb yo mete nan yon zòn ki louvri kote elèv yo ka angaje yo nan aktivite kreyatif an gwoup.

Sipèentandan Lekòl yo Dtè. Jose L. Dotres deklare “Lè nou travay ansanm ak patnè piblik, prive ak gouvènman konte a, se sa ki rive, tout moun reyini ansanm pou ankouraje lekòl yo, elèv yo, epi kreye anviwònman sa yo ki vrèman remakab... Espas inovasyon sa a pral ajoute sou bote ak enèji kilti sa a.”

Pwojè $2 milyon dola a te finanse grasa yon patenarya ant M-DCPS, Fondasyon Faz Eliminatwa Foutbòl Kolèj la ansanm ak Komite Planifikasyon Faz Eliminatwa Chanpyona Nasyonal Foutbòl Kolèj 2026 la.

15 kas reyalite vityèl espas inovasyon an resevwa yo fèt pou ranfòse kourikoulòm matematik ak syans elèv yo. Zòn 'Makerspace' la gen ladan non sèlman wobotik, men tou ar ak atizay ansanm ak lòt teknoloji pratik. Re-amenajman an gen ladan tou yon nouvo bibliyotèk ki gen ladan sèlman liv elèv yo pral kapab prete e itilize nan sant la.

Lucia Althizar, yon elèv uityèm ane nan George W. Carver Middle School di: “Sa ekstrawòdinè paske li trè enpòtan pou anseye timoun yo fason pou yo itilize teknoloji... Kas VR sa yo se yon bon fason pou yo fè eksperyans teknoloji modèn nan mond nou an."

Renovasyon sa a gen ladan tou yon nouvo estidyo pwodiksyon televizyon kote elèv yo ka difize anons yo epi kreye 'podcasts' sou yon varyete sijè.

Espas inovasyon George Washington Carver Middle la fè pati yon inisyativ Espas Inovasyon, ki modènize espas yo avèk koulè briyan, nouvo mèb konfòtab, nouvo ekipman "virtual reality (VR)" (reyalite vityèl), tablo entèraktif, yon seksyon wobotik e jeneralman plis pase yon douzèn estasyon òdinatè.

Direktris Lekòl Mwayen George W. Carver, Iliana Artime di, “Sa pral fè yon gwo diferans nan efò nou ap fè pou bay elèv nou yo nouvo fason kreyatif pou amelyore kourikoulòm nou an lè nou ranpli l avèk teknoloji nan pi wo nivo”.

Nan de (2) pwochen yo, patnè nou yo pral re-amenaje yon total 18 espas inovasyon nan lekòl mwayen M-DCPS yo pou satisfè bezwen endividyèl pwofesè ak elèv yo nan domèn sosyal, emosyonèl ak akademik.

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM. 

Silvouplè telechaje Aplikasyon Mobil Dadeschools la sou aparèy iPhone oswa Android ou. Suiv nou sou X nan @MDCPS ak @SuptDotres, sou Instagram nan @MiamiSchools ak @SuptDotres, a sou Facebook nan MiamiSchools.