M-DCPS Toujou Ap Aksepte Aplikasyon pou Lekòl Magnet jiska 15 janvye

''Miami-Dade County Public Schools (M-DCPS)'' (Lekòl Leta Miami-Dade County) toujou ap aksepte aplikasyon pou pwogram Magnet pou ane lekòl 2025-2026 la. Peryòd enskripsyon pou pwogram Magnet atravè distri lekòl la ouvri nan mwa oktòb pou rive jiska 15 janvye 2025.

Avèk yon seri tèm yo ogmante, pwogram dènye kri, ak opòtinite kòmanse nan pwogram ayewo espasyal rive nan entèlijans atifisyèl, M-DCPS ap redefini tout sa ki posib nan edikasyon piblik.

Paran yo ka aplike sèlman atravè Pòtal Paran M-DCPS la jiska 15 janvye 2025 atravè dadeschools.net. Sa aplike pou nouvo ak aktyèl elèv yo.

Sipèentandan Dtè. Jose L. Dotres di: “M-DCPS pran angajman pou li ofri yon edikasyon klas mondyal ki deklanche inovasyon, pasyon e ki chaje ak anbisyon... Pwogram Magnet nou yo, nou ofri gratis, pèmèt elèv yo eksplore talan espesyal yo epi prepare yo pou siksè nan 21èm syèk la."

Pwen esansyèl pou ane lekòl 2025-2026 la:

·         M-DCPS ogmante pwogram yo soti nan senk pou rive nan 11 tèm etid, sa ki fè li vin pi fasil pou fanmi yo jwenn pwogram Magnet pafè a pou pitit yo ki baze sou enterè espesyal ak aspirasyon yo. Fanmi yo ka vizite miamimagnets.org pou eksplore opsyon sa yo e dekouvri program ki pi byen adapte ak bezwen pitit yo. Tèm sa yo se:

·         Ar ak Milti Medya

·         Biznis ak Finans

·         Edikasyon ak Swen Timoun Bonè

·         Ar Rafine

·         Syans Sante

·         Teknoloji Enfòmatik

·         Etid Entènasyonal ak Avanse

·         Aprantisaj Sou Demand

·         Sèvis Piblik

·         STEM

·         Komès ak Ensdistri

·         Nouvo Pwogram: Ane sa a distri a lanse premye Magnet Biyoteknoloji Endistriyèl nan Lekòl Segondè Miami Jackson ak premye pwogram Magnet Teknoloji Otomobil pou Veyikil Elektrik nan Lekòl Segondè Carol City.

·         Ekstansyon Opòtinite:  Nou agrandi pwogram Koding Apple™ nan nan de (2) lekòl segondè, South Miami Senior High School ak Felix Varela Senior High School. Pwogram Magnet Entèlijans Atifisyèl yo disponib kounye a nan de (2) lekòl segondè: Southwest Miami Senior High School ak Miami Edison Senior High School.

·         "Space Hub" (Espas Sant Aktive) nan Hialeah-Miami Lakes Senior High: An patenarya avèk Space Florida, sant inovatè sa a pral ofri elèv yo opòtinite pou aplike pou youn nan senk akademi ayewo espasyal espesyalize yo: Jeni Aplike, Wobotik Aplike, Sistèm Kodaj, Sistèm Elektrik, ak Syans e Konsepsyon.

Avèk 119 lekòl ak 400 pwogram ki kouvri klas Matènèl-12èm ane eskolè, pwogram Magnet M-DCPS yo ofri yon chemen ki mennen nan yon avni ki pi briyan pou chak timoun.

Pou plis enfòmasyon, vizite miamimagnets.org oswa gade aplikasyon eksplikasyon an sou YouTube.  

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM. 

Silvouplè telechaje Aplikasyon Mobil Dadeschools la sou aparèy iPhone oswa Android ou. Suiv nou sou X nan @MDCPS ak @SuptDotres, sou Instagram nan @MiamiSchools ak @SuptDotres, a sou Facebook nan MiamiSchools.