Komisyon Konsèy Lekòl la Apwouve De (2) Konpayi Konstriksyon pou yon Pwojè GOB ki Totalize $37.5 Milyon

Nan reyinyon regilye li a, Komisyon Konsèy Lekòl Miami-Dade la te apwouve de (2) konpayi konstriksyon pou konplete pwojè “General Obligation Bond (GOB)” (Bon Obligasyon Jeneral) nan James H. Bright/J.W. Johnson Elementary School ak West Lake Preparatory Academy ki vo apeprè $37.5 milyon dola.

James H. Bright/J.W. Johnson Elementary School - Se konpayi ‘Veitia Padron, Inc.’ ki resevwa kontra konstriksyon pou yon pwojè renovasyon nan lekòl sa a. Lekòl la ki sitiye nan vil Hialeah, te bati nan 1959, epi li gen 16 bilding avèk 848 plas pou elèv.

Dimansyon pwojè a gen ladan renovasyon enteryè nan twa bilding, twalèt, ansanm ak "track and field" (teren atletik) epi rekouvri sifas teren baskètbòl yo. Pami lòt amelyorasyon yo pral fè ap gen nouvo pasaj pyeton ki kouvri, yon zòn pou depoze ak vin chèche elèv, teren rekreyasyon ak jwèt, yon abri pou aktivite espòtif ak yon sistèm alam. Anplis, yo pral repentire deyò tout bilding yo, yo pral ranplase fenèt ak pòt eksteryè yo, ansanm ak sistèm 'HVAC' (Sistèm Chofaj, Vantilasyon ak Èkondisyone) ak sistèm egou sanitè.

Alokasyon total pou pwojè a – Apwoksimativman $15.2 milyon dola
Dat l ap Fini – Out 2026

Patisipasyon Total Soutretans “Small Business Enterprise (SBE) / Micro Business Enterprise (MBE)” (Antrepriz Ti Biznis/Mikwo Biznis): 25.14 pousan

Patisipasyon Total Soutretans “Minority/Women Business Enterprises (M/WBE)” (Antrepriz Biznis Minoritè/Biznis Fi Posede): 5.7 pousan

West Lakes Preparatory Academy - Se konpayi ‘D Stephenson Construction, Inc.’ ki te resevwa kontra pou renove lekòl la, ki te bati nan 1989, e ki gen ladan uit bilding ak 695 plas pou elèv.

Dimansyon pwojè a gen ladan renovasyon Bilding 5 la pou ajoute 12 salklas ak laboratwa lekòl mwayen ak nouvo vèni, nouvo planche, nouvo plafon ak nouvo aparèy ekleraj LED. Yo pral renove bilding 6 la tou pou l genyen yon nouvo kwizin, yon sal pou moun manje ak yon zòn sèvis ak yon liy sèvis. Bilding 2 a pral gen nouvo fenèt ak nouvo inite 'HVAC' (Chofaj, Vantilasyon ak Èkondisyone) sou do kay la. Yo pral renove ak elaji sal pou pwofesè yo, epi yo pral modènize kazye yo pou genyen nouvo plafon, aparèy LED, enstalasyon plonbri ak vèni. Pwojè a pral gen ladan tou nouvo twalèt.

Pami lòt amelyorasyon yo pral fè gen ladan yon nouvo sistèm son nan tout lakou lekòl la, ekleraj sou sèn teyat la ak yon sistèm son pou kafeterya a epi yo pral rekouvri sifas teren baskètbòl lekòl elemantè a.

Alokasyon total pou pwojè a – Apwoksimativman $22.4 milyon dola
Dat l ap Fini – Out 2026

Patisipasyon Total Soutretans “Small Business Enterprise (SBE) / Micro Business Enterprise (MBE)” (Antrepriz Ti Biznis/Mikwo Biznis): 13.76 pousan

Patisipasyon Total Soutretans “Minority/Women Business Enterprises (M/WBE)” (Antrepriz Biznis Minoritè/Biznis Fi Posede): 14.57 pousan

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM. 

Silvouplè telechaje Aplikasyon Mobil Dadeschools la sou aparèy iPhone oswa Android ou. Suiv nou sou X nan @MDCPS ak @SuptDotres, sou Instagram nan @MiamiSchools ak @SuptDotres, a sou Facebook nan MiamiSchools.