Plas Ou a Ap Tann Ou! Eksplore Opòtinite Nouvo Pwogram Magnet M-DCPS Ofri Apati 15 Avril

“Miami-Dade County Public Schools (M-DCPS)” (Lekòl Leta Miami-Dade County) kontan anonse lòt opòtinite pou fanmi yo jwenn aksè nan nouvo pwogram Magnet ki ranpòte prim. M-DCPS ap envite fanmi yo eksplore plas ki disponib yo, ki limite, nan divès pwogram Magnet enteresan.

Fami yo ka aplike kounye a pou plis plas Magnet pou ane lekòl 2025-2026 la. Peryòd aplikasyon sa a ap rete ouvè jiskaske tout plas yo ranpli oubyen jis nan kòmansman ane lekòl 2025-2026 la, kèlkeswa sa ki rive anvan an. M-DCPS ankouraje fanmi yo aplike san pèdi tan pou sekirize yon plas pou pitit yo pou lavni.

Se sèl sou entènèt n ap aksepte aplikasyon pou pwogram Magnet yo atravè Pòtal Paran an nan dadeschools.net.

Plas pitit ou a ap tann li pou ane pwochèn! Fanmi ki gen pitit yo kounye a nan lis atant pou premye peryòd aplikasyon pwogram Magnet la ap rete nan lis atant la pandan y ap kontinye eksplore lòt pwogram ki gen nan peryòd aplikasyon espesyal sa a. Opòtinite sa a ofri yon chans pou yo dekouvri plis eksperyans edikatif tematik e inovatif toujou pou timoun nan Konte Miami-Dade. Se yon moman ideyal tou pou fanmi yo eksplore dènye pwogram Magnet nou pral lanse pou ane lekòl 2025-2026 la ki pa t disponib pandan premye peryòd aplikasyon an. Nou ap ofri plas ki disponib yo sou baz moun ki vini anvan an ap jwenn sèvis anvan. 

Dekouvri nouvo pwogam Magnet inovatif n ap ofri pou 2025-2026:

·         RITMO nan Leisure City K-8 Center
Yon nouvo pwogram dinamik ki pral eksplore Rit, Enspirasyon, Tradisyon, Mizik, ak Orijin  (RITMO) avèk yon konsantrasyon sou mizik Mariachi.

·         Kominikasyon Demas nan Dr. Rolando Espinosa K-8 Center
Premye pwogram Magnet ki janm egziste nan Doral, ki ofri yon opòtinite san parèy pou elèv nan jadendanfan, jiska 8èm ane pou yo eksplore medya, retransmisyon radio/televizyon, jounalis, rakonte istwa, ak pale an piblik nan kè sant medyatik vil Doral ki kontinye ap grandi.

·         Iovine and Young Center for Innovation and Entrepreneurship nan Miami Edison Senior High
Yon pwogram orijinal ki pote inovasyon nan edikasyon, e ki fèt selon modèl ‘Iovine and Young Academy’ University of Southern California a. Kourikoulom lekòl segondè sa a ki gen ladan divès disiplin, e ki baze sou pwojè, melanje teknoloji, antreprenarya, ak plan ki vin posib grasa yon patenarya ideyalis avèk Jimmy Iovine ak Andre “Dr. Dre” Young, ki se antreprenè, pwodiktè mizik, ak moun ki travay ansanm pou kreye rit mizik. 

Eksplore Plis Pase 11 Tèm Etid Enteresan:

Pwogram Magnet nou yo kouvri yon gran varyete enterè. Vizite miamimagnets.org pou n dekouvri tèm ki apwopriye pou nou, pami diferan tèm ki anba a:

·         Arts & Multimedia (Ar ak Miltimedya)

·         Business & Finance (Biznis ak Finans)

·         Early Childhood & Education (Pwogram pou Timoun Anbazaj ak Edikasyon)

·         Fine Arts (Ar Vizyèl)

·         Health Sciences (Syans Sante)

·         Information Technology & Digital Design (Enfòmatik ak Kreyasyon Dijital)

·         International & Advanced Studies (Etid Entènasyonal ak Etid Avanse)

·         On-Demand Learning (Aprantisaj sou Kòmand)

·         Public Service (Sèvis Piblik)

·         STEM (Syans, Teknoloji, Jeni, Matematik)

·         Trade & Industry (Komès ak Endistri)

M-DCPS detèmine pou l kontinye elaji aksè fanmi yo nan pwogram bon kalite, espesyalize, e pou l ofri plis chwa pase anvan nan edikasyon. Nouvo Lekòl Magnet nou yo devwe pou yo enspire, angaje, e prepare elèv pou yo fè sikse nan lavni. Eksperyans edikasyonèl pitit ou a ap tann li!  

Pou plis enfomasyon, vizite miamimagnets.org.

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM. 

Silvouplè telechaje Aplikasyon Mobil Dadeschools la sou aparèy iPhone oswa Android ou. Suiv nou sou X nan @MDCPS ak @SuptDotres, sou Instagram nan @MiamiSchools ak @SuptDotres, e sou Facebook nan MiamiSchools.