M-DCPS Ap Kontinye sou Wout Ekselans la avèk yon Nòt A

Depatman Edikasyon Florid pibliye nòt lekòl yo pou ane 2024-25 la e yon fwa ankò, Lekòl Leta “Miami-Dade County Public Schools (M-DCPS)” (Lekòl Leta Miami-Dade County) se yon distri ki fè “Nòt A”.

Anba a n ap jwenn yon rezime sou Nòt Pèfòmans Lekòl Leta Miami-Dade County pou ane 2024-2025 la:

• An jeneral, 99% lekòl M-DCPS yo te resevwa Nòt Lekòl A, B, oubyen C an 2025

• 64% te resevwa nòt A

• 22% te resevwa nòt B

• 14% te resevwa nòt C

• Okenn lekòl M-DCPS pa t resevwa yon nòt F an 2025

Sipèentandan lekòl yo, Dtè. Jose L. Dotres deklare, "Trajektwa ekselans nou pran nan Lekòl Leta Miami-Dade County se yon temwayaj pou travay eksepsyonèl elèv, pwofesè, anplwaye, ak lidè nou yo ap fè… Nou detèmine pou nou ofri meyè opòtinite nan edikasyon, e n ap asire n nou rete pi bon chwa pou kominòte nou an.”

Nou Pèfòmans Lekòl pou ane 2024-2025 la disponib sou sit entènèt sa a: https://arda.dadeschools.net/#!/rightColumn/2668.

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM.

Silvouplè telechaje Aplikasyon Mobil Dadeschools la sou aparèy iPhone oswa Android ou. Suiv nou sou X nan @MDCPS ak @SuptDotres, sou Instagram nan @MiamiSchools ak @SuptDotres, e sou Facebook nan MiamiSchools.

# # #