Komisyon Konsèy Lekòl Miami-Dade County Apwouve Bidjè Pou Ane 2025-2026 la

Komisyon Konsèy Lekòl Miami-Dade County apwouve yon bidjè $7.4 milya dola pou ane fiskal 2025–26, pou ranfòse angajman li pou siksè elèv yo, sekirite, ak responsablite finansye.

Sipèentandan Lekòl yo, Dtè. Jose L. Dotres, di, "Bidjè nou apwouve a kontinye pwoteje sa ki pi enpòtan yo: ki se salklas nou yo, elèv nou yo, ak anplwaye nou yo... Bidjè a pa ka rezoud tout pwoblèm, men nou rete responsab finansyèman, ann akò avèk valè nou yo, epi bidjè a konsantre sou siksè ak byennèt elèv yo."

Bidjè ane sa a reflete envestisman estratejik nou fè nan sèvis pou elèv yo, tankou yon ogmantasyon 4 pousan nan finansman pou elèv ki gen andikap, epi nou kontinye sipòte pwogram nan Ar, Mizik, ak Lang Etranjè, yon angajman ki rete san parèy atravè tout eta a.

Distri a kreye tou yon fon rezèv enpòtan pou "full-time equivalent (FTE)" (elèv ekivalan aplentan), pandan nou preva yon bès/diminisyon nan enskripsyon akoz yon gwo rediksyon ki genyen nan eskripsyon kantite nouvo elèv ki fèt aletranje.

To milaj pou ane 2025–26 la fikse a 6.633, ki se yon ti rediksyon konpare ak ane pase a ki te 6.699, sa ki kontinye yon tandans anvè efikasite finansye.

Nou aloke 76.2 pousan nan bidjè a pou ansèyman ak sèvis dirèk pou elèv yo, pandan 19.8 pousan ale pou sipòte sèvis antretyen ak netwayaj, sekirite, ak lòt sèvis ki fèt nan nivo lekòl yo.

Nou pral sèvi ankò ak fon referandòm votè yo te apwouve pou sipòte salè pwofesè yo (88 pousan) ak amelyore sekirite lekòl yo (12 pousan), pou asire salè yo depase mwayèn nasyonal la epi chak lekòl gen yon ajan sekirite sou plas, jan lalwa eta a egzije sa.

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM. 

Silvouplè telechaje Aplikasyon Mobil Dadeschools la sou aparèy iPhone oswa Android ou. Suiv nou sou X nan @MDCPS ak @SuptDotres, sou Instagram nan @MiamiSchools ak @SuptDotres, a sou Facebook nan MiamiSchools.