M-DCPS Inogire Yon Espas Inovasyon nan Palm Springs Middle School

Elèv Lekòl Mwayen Palm Springs yo ap jwe foutbòl vityèl sou Planche Aktif
‘Jump n Learn’ nan Nouvo Espas Inovasyon lekòl la.

Jedi pase, “Miami-Dade County Public Schools (M-DCPS)” (Lekòl Leta Miami-Dade County) te inogire yon Espas Inovasyon re-amenaje, ki rich ak teknoloji nan sant medya Palm Springs Middle School la. Nouvo espas la gen ladan yon Planche Aktif “Jump ‘n Learn” (Sote epi Aprann), yon zòn 'Makerspace' (espas pou elèv pataje lide, ekipman, ak konesans), avèk wobotik pou aktivite aprantisaj pratik, ansanm ak nouvo mèb yo mete nan yon zòn ki louvre, kote elèv yo ka angaje yo nan aktivite kreyatif an gwoup.

Daniel Mateo Asistan Sipèentandan Chwa ak Opsyon Lekòl pou Paran di, "San sipò ak jenewozite patnè nou yo, nou pa t ap gen yon espas konsa pou elèv yo kontinye aprantisaj yo... Nou gen kèk aktivite enteresan pou elèv nou yo patisipe ladan yo, tankou aprantisaj reyèl ki baze sou pwojè, ansanm ak twous 'Makerspace' sa yo. Sa a se jis yon espas amizan pou elèv yo, e mwen vle nou pwofite de li chak jou."

Jwèt Planche Aktif ‘Jump ‘n Learn’ nan fèt pou elèv yo jwe foutbòl vityèl, fè kous machin ak anpil lòt jwèt, men yo kapab tou pran tès entèraktif ki sou menm liy ak kourikoulòm matematik ak syans lan. Zòn 'Makerspace' la gen ladan non sèlman wobotik, men tou ar ak atizay ansanm ak lòt teknoloji pratik.

Heriberto Sanchez, Direktè Lekòl Mwayen Palm Springs nan di, "Espas sa a ofri yon lòt domèn pou elèv yo travay an gwoup, kolabore, epi rezoud pwoblèm, sitou nan matematik ak syans... Pou nou rive kapte atansyon jenerasyon sa a, nou dwe fè aktivite yo amizan."

Elèv ki ap jwe yon jwèt ki rele "Sorry" (Eskize m) nan Espas Inovasyon Palm Springs Middle la.

Sant medya re-amenaje a te gen ladan l tou mèb detache ki konfòtab pou akomode plizyè kalite aktivite. Genyen (2) ekran tou ki fèt pou elèv yo jwe.

Mariann Garcia, yon elèv uityèm ane nan Palm Springs Middle School di, "Sa se pa sèlman yon espas ki pi gwo, ki pi klere, se yon atmosfè totalman nouvo ki fè ou anvi rete epi detann ou. Mwen espere nouvo elèv yo eksplore li epi apresye li paske se pa tout bibliyotèk ki konsa."

Nan de (2) pwochen ane yo, patnè nou yo pral re-amenaje yon total 18 espas inovasyon nan lekòl mwayen M-DCPS yo pou satisfè bezwen endividyèl pwofesè ak elèv yo nan domèn sosyal, emosyonèl ak akademik. Pwojè $2 milyon dola a te finanse grasa yon patenarya ant M-DCPS, "College Football Playoff Foundation" (Fondasyon Faz Eliminatwa Foutbòl Kolèj Ameriken an) ansanm ak "2026 College Football Playoff National Championship Game Host Committee" (Komite Planifikasyon Faz Eliminatwa Chanpyona Nasyonal Foutbòl Kolèj 2026 la).

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM.

Silvouplè telechaje Aplikasyon Mobil Dadeschools la sou aparèy iPhone oswa Android ou. Suiv nou sou X nan @MDCPS ak @SuptDotres, sou Instagram nan @MiamiSchools ak @SuptDotres, a sou Facebook nan MiamiSchools.