M-DCPS Inogire yon Laboratwa Teknoloji Avanse nan Lekòl Mwayen Hialeah: 'VR' (Reyalite Vityèl), Wobo, ak Enprimant ‘3D’ (Twa Dimansyon) pou Transfòmasyon Aprantisaj

Elèv nan Lekòl Mwayen Hialeah ap eseye yon kas 'VR' nan nouvo laboratwa pou aprantisaj inovatif 'Verizon' lekòl la.

“Miami-Dade County Public Schools (M-DCPS)” (Lekòl Leta Miami-Dade County) devwale yon Laboratwa pou Aprantisaj Inovatif konpayi Verizon patwone nan Lekòl Mwayen Hialeah, ki ekipe avèk kas 'VR' reyalite vityèl, wobo ki ka pwograme, ak enprimant '3D' twa dimansyon. Patenarya sa a se yon efò pou bay elèv lekòl mwayen yo aksè nan teknoloji avanse ki pa sèlman fè aprantisaj la pi enteresan, men ki ede yo devlope konpetans ki vin pi enpòtan chak jou nan mache travay konpetitif jodi a.

Dtè. Elvira D. Ruiz-Carillo, Direktris lekòl la di, "Laboratwa pou Aprantisaj Inovatif konpayi Verizon patwone nan Lekòl la se yon chanjman total pou elèv nou yo nan Lekòl Mwayen Hialeah. Li bay yo chans pou eksplore teknoloji, kreye, epi reve gran.  Yo pa sèlman ap aprann sou avni yo, yo ap aprann kijan pou fòme li.”

Nouvo laboratwa nan Lekòl Mwayen Hialeah la gen ladan:

·         Kas 'VR' Reyalite Vityèl

·         Estasyon chajman pou kas 'VR' yo

·         Kas 'PICO Neo4VR'

·         Mini 'Apple iPad' (tablèt pòtab)

·         Wobo 'Sphero RVR' ki ka pwograme

·         Òdinatè pòtab, ki gen ladan de (2) òdinatè pòtab pou jwèt videyo

·         Yon ekran televizyon entèlijan

·         Anpil enstriman pou kodaj

Lia Perez, yon elèv 8èm ane , Lillian Clara yon elèv 6èm ane, ansanm ak Mellanie Malik, pwofesè 'Aerospace and Robotics' (Etid Espas ak Wobotik) ap eksplore ekipman pou kodaj yo nan nouvo Laboratwa pou Aprantisaj Inovatif konpayi Verizon patwone nan Lekòl la.

Pandan ane lekòl la, Lekòl Mwayen John F. Kennedy ap vin fè pati pwogram Aprantisaj Inovatif Verizon nan M-DCPS atravè pwogram Laboratwa pou Aprantisaj Inovatif konpayi Verizon patwone a. Pandan ane lekòl 2026-2027 la, yo pral ajoute Sant K-8 Citrus Grove ak Lekòl Mwayen Cutler Bay sou lis lekòl ki fè pati pwogram sa a tou, ki pral bay yon total 12 lekòl nan M-DCPS.

Oliver Alvarez, yon elèv 6èm ane, deklare, “Mwen panse li enpòtan pou gen espas sa a paske li ka aprann elèv yo prensip debaz sou devlopman dirab, antreprenarya, ak anpil bagay sou syans.” Mwen renmen enprimant '3D' (twa dimansyon) yo paske ou ka bati nenpòt bagay ou vle ak yo nan apeprè yon jou.  Yo trè fleksib e gen plizyè fonksyon."

Yon ranje nouvo enprimant '3D' nan Lekòl Mwayen Hialeah, ki soti nan Laboratwa inovatif Verizon nan.

Pwogram Laboratwa 'VIL' la se yon inisyativ nou devlope sou plizyè ane ki konbine teknoloji avanse ak yon kourikoulòm enteresan ki baze sou pwojè ak rezolisyon pwoblèm reyèl nan yon laboratwa dènye kri ki fèt espesyalman pou sa, tout sa andedan bilding lekòl la.  ‘Heart of America’, ak . Pwogram sa a te kreye atravè yon patenarya ak konpayi Verizon, Heart of America, ak ‘J. Orin Edson Entrepreneurship + Innovation Institute’ nan ‘Arizona State University’. 

"Olema Herrera, ki se sipèvizè distri pou ansèyman teknoloji nan M-DCPS di, “Patenarya ant 'Verizon Innovative Learning', ak Lekòl Leta Miami-Dade County ouvri pòt pou anpil edikatè, fanmi, ak elèv nou yo. Li pa sèlman yon inisyativ men li se yon opòtinite ki chanje fason ansèyman ak aprantisaj fèt; li chanje trajektwa eksperyans edikasyonèl elèv yo.” 

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM. 

Silvouplè telechaje Aplikasyon Mobil Dadeschools la sou aparèy iPhone oswa Android ou. Suiv nou sou X nan @MDCPS ak @SuptDotres, sou Instagram nan @MiamiSchools ak @SuptDotres, e sou Facebook nan MiamiSchools.