Komisyon Konsèy Lekòl la Apwouve $20.6 Milyon Dola pou Pwojè Konstriksyon Yon Nouvo Bilding nan Lekòl ‘MAST Academy’ nan FIU

Nan dènye reyinyon regilye li a, Komisyon Konsèy Lekòl Miami Dade County a te apwouve yon pwojè konstriksyon ki vo apeprè $20.6 milyon dola bay konpayi 'KAST Construction Company, Florida, LLC.', pou konstwi yon nouvo bilding nan Lekòl ‘Marine Academy of Science and Technology (MAST)’ ki sitiye nan Inivèsite FIU, Biscayne Bay Campus la.

Yo pral konstri nouvo bilding twa etaj sa a sou yon teren anviwon 35,000 pye kare, li pral gen ladan 20 sal klas jeneral ak apeprè 500 plas pou elèv. Nouvo bilding sa a ap gen ladan l tou yon biwo administratif, yon sal pou manje, yon kwizin pou chofe manje, ansanm ak yon espas deyò pou manje.

Ap genyen tou yon pasaj pou pyeton ki kouvri e ki konekte ak bilding ki egziste kounye a, yon nouvo pakin ki ap gen 36 plas, ap genyen tou twotwa ak kloti, epi yon wout sou bò sid pwopriyete a.

Pwojè a pwograme pou fini apeprè an novanm 2027.

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM.

Silvouplè telechaje Aplikasyon Mobil Dadeschools la sou aparèy iPhone oswa Android ou. Suiv nou sou X nan @MDCPS ak @SuptDotres, sou Instagram nan @MiamiSchools ak

@SuptDotres, e sou Facebook nan MiamiSchools.