Lekòl M-DCPS yo Resevwa Sèt Prim Meday Lò Entènasyonal pou Lekòl nan Edikasyon sou Jwèt Echèk nan en ‘Fédération Internationale des Échecs (FIDE)’

“Miami-Dade County Public Schools (M-DCPS)” (Lekòl Leta Miami-Dade County) ranpòte sèt (7) sou 11 Prim Meday Lò Entènasyonal pou Lekòl nan Edikasyon sou Jwèt Echèk nan men ‘Fédération Internationale des Échecs (FIDE),’ e sa fè nou kanpe kòm sèl lekòl ki resevwa meday nan peyi Etazini. FIDE, konsèy regilatè nan domèn echèk, te kreye onè sa a pou selebre pwogram ki konekte jwèt echèk yon fason siyifikatif ak enstriksyon nan salklas, resous akademik, ansanm ak sansibilizasyon kominotè.

Yo evalye lekòl yo sou 11 kritè, ki gen ladan patisipasyon elèv, inovasyon nan ansèyman, kalifikasyon edikatè, pwogramasyon jwèt echèk, ak enpak sosyal. Nan premye ane kote li aplike pou  rekonesans sa a, M-DCPS akonpli yon to siksè 100%, avèk tout sèt lekòl ki aplike nan distri a ki sekirize yon Meday Lò—pi gwo prim ki depase Meday Ajan ak Bwonz.

Lòt lekòl ki ranpòte Meday Lò yo lokalize nan Shanghai, Lachin; A Coruña, Espay; Emira Arab Ini, ki gen de (2) lekòl ki ranpòte prim.

Lis Lekòl M-DCPS ki Ranpòte Meday Lò

•     Citrus Grove K-8 Center

•     Hialeah Gardens Middle School

•     Howard D. McMillan Middle School

•     Irving and Beatrice Peskoe K-8 Center

•     North Miami Senior High School

•     Phyllis Ruth Miller Elementary School

•     Ruben Dario Middle School

Kòm sèl distri lekòl nan Etazini ki resevwa Meday Lò pou Lekòl ane sa a, M-DCPS kontinye demontre poukisa li se pi bon chwa pou elev ak fanmi ki ap chèche opòtinite anrichisman akademik klas mondyal.

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM.

Silvouplè telechaje Aplikasyon Mobil Dadeschools la sou aparèy iPhone oswa Android ou. Suiv nou sou X nan @MDCPS ak @SuptDotres, sou Instagram nan @MiamiSchools ak @SuptDotres, e sou Facebook nan MiamiSchools.