Lekòl Leta Miami-Dade County Antèt nan Peyi a Pami Akademi Karyè Distenge NAF yo

“Miami-Dade County Public Schools (M-DCPS)” (Lekòl Leta Miami-Dade County) antèt nan peyi a avèk yon total 51 Akademi Karyè Distinge NAF ak twa akademi karyè Modèl. Ane sa a, distri a rive atenn nouvo chif sa a lè li ajoute sis nouvo akademi sou lis Akademi Karyè Distinge NAF li deja genyen an.

NAF, yo te rele lontan “National Academy Foundation” (Fondasyon Akademi Nasyonal), se yon rezo nasyonal patenarya piblik-prive ki sipòte akademi karyè yo anndan lekòl segondè tradisyonèl yo.

Akademi “Information Technology (IT)” (Enfòmatik) nan Barbara Goleman Senior High School, Akademi Ospitalite & Touris nan Miami Lakes Educational Center and Technical College, Akademi Enfòmatik nan Miami Norland Senior High School, Akademi Ospitalite & Touris nan Miami Sunset Senior High School, Akademi Finans nan North Miami Beach Senior High School, ak Akademi Finans nan Robert Morgan Educational Center and Technical College vin antre nan lis pwogram sa yo ki ap bay bonjan pèfòmans nan M-DCPS e ki kontinye ap ogmante. Anplis, Distri a gen twa akademi Modèl (dezyèm pozisyon nan nivo kalite) ki satisfè pi gwo pwopòsyon nan estanda akademik yo.

Lekòl sa yo demontre pwogram yo pèfòme nan pi wo nivo pou prepare elèv yo pou kolèj ak karyè. Lè yon lekòl fè nòt pou yo rekonèt li kòm yon Akademi Distenge, sa demontre pi wo nivo fidelite nan modèl karyè NAF la ki ofri elèv aksè nan pwogram karyè espesifik, ak eksperyans aprantisaj ki baze sou travay, ansanm ak devlope relasyon avèk pwofesyonèl nan antrepriz yo. Akademi karyè sa yo sou menm liy avèk inisyativ “One Community One Goal” (Yon Kominote Yon Objektif) ki vize endistri ki fè gwo enpak sou ekonomi Miami an.

Men lis Akademi NAF ki Ranpòte Prim pou ane 2025 la:

Pou dènye enfòmasyon yo an Kreyòl, silvouplè branche sou Radyo Lekòl lendi - vandredi a 9è diswa sou WLRN 91.3 FM, ak mèkredi 10:30 dimaten sou WSRF 1580AM, e 6è diswa sou RCH 23 1610AM.

Silvouplè telechaje Aplikasyon Mobil Dadeschools la sou aparèy iPhone oswa Android ou. Suiv nou sou X nan @MDCPS ak @SuptDotres, sou Instagram nan @MiamiSchools ak @SuptDotres, a sou Facebook nan MiamiSchools.